Mjög góð afkoma á fjárhagsárinu 2006/07
Sala nam 616,9 milljónum evra - jókst um 11%
EBITDA varð 53,9 milljónir evra - jókst um 23%
Nettóhagnaður nam 22,4 milljónum evra - jókst um 87%
Árið í hnotskurn
Sala
FY 2007: €616,9 m, 11% hækkun
Q4 2007: €144,3 m, 23% hækkun
EBITDA
FY 2007: €53,9 m, 23% hækkun
Q4 2007: €8,4 m, 30% hækkun
Nettóhagnaður
FY 2007: €22,4 m, 87% hækkun
Q4 2007: €3,4 m, hækkun
Veltufé frá rekstri: €44,5 m, umtalsverð hækkun eða um 46%
Hráefniskostnaður
Verð á laxi og rækju stöðugt.
Efling Alfesca
Samþætting Adrimex við rækju- og skelfiskstoð félagsins og samþætting LTG við
smurrréttaframleiðsluna gengur vel.
Lykilverkefni
Endurfjármögnun félagsins lokið.
Leitað er tækifæra til að styrkja samstæðuna og efla vöxt hennar.
Xavier Govare, CEO of Alfesca, said:
„Það er með ánægju að við kynnum mjög góða afkomu Alfesca á fjárhagsárinu
2006/2007 en hún er í samræmi við meginmarkmið okkar.
Við höfum náð þeim markmiðum sem sett voru um reksturinn. Í fyrsta lagi byggist
starfsemi félagsins upp í kringum fjórar meginstoðir; (I) reyktan lax og aðrar
fiskafurðir, (II) foie gras (andalifur) og andakjöt, (III) blini
(hveitipönnukökur) og smurvörur og (IV) rækjur og annar skelfiskur. Þessi
skipting eftir helstu framleiðsluvörum hefur gert okkur kleift að fá betri
yfirsýn yfir kjarnahæfni félagsins, auka skilvirkni og ná fram samlegð.
Í öðru lagi settum við okkur markmið um að styrkja reksturinn og efla þar sem
þess var þörf. Kaupin á Adrimex og LTG á árinu staðfestu áform okkar um
markvissan vöxt kjarnastarfseminnar og að styrkja stöðu okkar á völdum
mörkuðum.
Í þriðja lagi stefndum við á öflugan innri vöxt á grundvelli hagfelldra
markaðsskilyrða - áherslu á gott samband við viðskiptavini, öfluga vöruþróun og
vöxt og viðhald vörumerkja okkar.
Fjórða markmiðið var öflugt kostnaðareftirlit, sérstaklega varðandi orkukostnað
og hráefniskostnað, auk þess að vega upp á móti verðhækkunum með samblandi af
framvirkum samningum (hedging), lækkun rekstrarkostnaðar og völdum
verðhækkunum.
Loks settum við okkur markmið um að fjárfesta í framleiðslutækjum samstæðunnar
og auka sjálfvirkni, framleiðslu og framleiðni í þeim tilgangi að styðja við
arðsaman vöxt.
Góður árangur staðfestir helstu styrkleika samstæðunnar: sterkt
stjórnendateymi, öflugan rekstur, stefnumörkun og skynsama fjármálastjórn.
Alfesca skilar góðri afkomu þar sem sala jókst um 11% og varð 616,9 milljónir
evra. Arðsemi hefur um leið aukist þrátt fyrir kostnaðarhækkanir en
nettóhagnaður nam 22,4 milljónum evra. Stefna okkar er að skila árangri og þar
sem við byggjum á sterkum grunni erum við sannfærð um hæfni félagsins til innri
vaxtar og, þegar réttu tækifærin gefast, ytri vaxtar.”
