Ársreikningur Stykkishólmsbæjar 2015

Í dag 9. maí 2016 var ársreikningur Stykkishólmbæjar 2015 tekinn til fyrri umræðu. Eins og sveitarstjórnarlög kveða á um, skal fjalla um ársreikninginn á tveimur fundum í sveitarstjórn. Seinni umræða verður 17. maí n.k.

Í reglugerð nr. 944/2000, um bókhald og ársreikninga sveitarfélaga, sem tók gildi 1. janúar 2001, eru ákvæði um reikningsskil sveitarfélaga. Þar er gert ráð fyrir að sveitarfélög hagi bókhaldi sínu og reikningsskilum í samræmi við ákvæði laga um bókhald nr. 145/1994 og ársreikninga nr. 144/1994 að svo miklu leyti sem sveitarstjórnarlög mæla ekki fyrir á annan veg eða reglugerðir settar á grundvelli þeirra.  Ársreikningar sveitarfélaga skulu byggðir á almennum reikningsskilaaðferðum.

Ársreikningur Stykkishólmsbæjar fyrir árið 2015 byggir á sömu reikningsskilaaðferðum og árið áður í samræmi við framangreind lög og reglur.

Helstu lykiltölur:

Rekstrartekjur sveitarfélagsins á árinu námu 1.151 millj. kr. samkvæmt samanteknum ársreikningi fyrir A- bæjarsjóð og B- hluta stofnanir og fyrirtæki, en þar af námu rekstrartekjur A-hluta þ.e. bæjarsjóðs 1.066 millj. kr.

Rekstrargjöld A og B hluta námu 994,3 millj. Þar af námu rekstrargjöld A-hluta bæjarsjóðs 957,4 millj. að meðtöldum hækkunum vegna lífeyrisskuldbindinga starfsfólks. Rekstrarniðurstaða bæjarsjóðs var jákvæð um 16,8 millj.  samkvæmt ársreikningi  en jákvæð um 32,7 millj. kr. í  samanteknum ársreikningi A og B hluta. Eigið fé sveitarfélagsins í árslok 2015 nam, eftir að lífeyrisskuldbindingar höfðu verið dregnar frá, 983 millj. kr. samkvæmt efnahagsreikningi, en þar af nam eigið fé bæjarsjóðs 1.151 millj. kr.

Rekstarafkoma samantekins ársreiknings A og B hluta er

jákvæð um 32,7 millj. kr. Meginátæður eru fyrir þessu eru:

.     Rekstrarniðurstaða bæjarsjóðs A-hluti var jákvæð um 16,8 millj. Rekstrarniðurstöður markast mjög af hækkun launakostnaðar miðað við fjárhagsáætlun m.a. kjarasamninga, sem gerðir voru voru gerðir í lok árs 2015.

Það sem er jákvætt við rekstur bæjarsjóðs A og B hluta er að Hafnarsjóður var rekin með u.þ.b. 13,9 millj. kr. hagnaði og Fráveita var rekin með 6,9 milljónir kr. Einnig er jákvætt að tekjur eru að aukast hjá Stykkishólmsbæ A-hluta eða úr 891,0 millj. kr.  árið 2014 í 1.066,2 milljónir króna árið 2015. Einnig hefur skuldahlutfall A-hluta stórlagast á milli ára og er 2015 107,5% af skatttekjum en var 126,8% árið 2014 og 135,8% árið 2013. Auk þess er það mjög gott að rekstrarjafnvægi áranna 2013-2015 er jákvæð um 50,3 milljónir króna.

Helstu fjárfestingarhreyfingar eru annars vegar sala á Hafnargötu 7 (Amtbókasafnið) að upphæð 48,0 milljónir króna, hins vegar fjárfestingar að upphæð 80,3 milljónir króna þær helstu eru: fjárfesting í gatnagerð og deiliskipulag að upphæð 28,8 milljónum króna, við bygging við Grunnskóla v/ Amtbókasafns að upphæð 20,6 milljónum króna,flotbryggju að upphæð 5,7 milljónir, nýtt hlutafé í Jeratúni sem er félag í eigu sveitarfélaganna á Snæfellsnesi sem á hús Fjölbrautaskóla Snæfellinga í Grundarfirði  að upphæð 4,9 milljónir.

Álagningarhlutfall útsvars var 14,37%. Álagningarhlutfall fasteignaskatts var 0,50% á íbúðarhúsnæði.

 Álagningarhlutfall á aðrar fasteignir var 1,65%. Ársreikningurinn í heild sinni verður birtur  á heimasíðu Stykkishólmbæjar.

Nánari upplýsingar veitir: Þór Örn Jónsson, bæjarritari,  í síma 433-8100