Smáralind - Ársuppgjör 2006

Tap Smáralindar ehf. nam 654 mkr. á árinu 2006.  Hagnaður fyrir afskriftir og fjármagnsliði (EBITDA) nam 742 mkr. sem er um 8% aukning frá fyrra ári. Veltufé frá rekstri nam 583 mkr. og handbært fé frá rekstri nam 633 mkr. Í lok tímabilsins var eiginfjárhlutfall félagsins 39,4% að teknu tilliti til víkjandi láns frá móðurfélaginu. 

Breyting á reikningsskilaðferð
Beitt er sömu reikningsskilaaðferð og á árinu 2005.


Ársreikningar (mkr.)	2006	2005
Rekstrartekjur 	1.389	1.259
Rekstrargjöld án afskrifta 	647	575
Rekstrarhagnaður fyrir afskriftir og fjármagnsliði (EBITDA) 	742	684
Afskriftir 	375	366
Rekstrarhagnaður án fjármagnsliða 	367	319
Hreinar fjármagnstekjur/fjármagnsgjöld) 	(1.165)	(446)
Hagnaður (tap) fyrir skatta	(798)	(127)
Hagnaður (Tap)  	(654)	(101)
Heildareignir 	9.882	10.029
Eigið fé 	1.100	1.754
Víkjandi lán frá móðurfélagi  	2.791	2.735
Eigið fé og víkjandi lán samtals 	3.891	4.489
Veltufé frá rekstri  	583	419
Handbært fé frá rekstri  	633	443
Eiginfjárhlutfall að teknu tilliti til víkjandi láns frá móðurfélagi 	39%	45%
Veltufjárhlutfall  	0,74	0,48


Tekjur
Heildartekjur námu 1.389 mkr. Þar af námu leigutekjur 1.066 mkr. sem er 8% hækkun frá fyrra ári.

Gjöld
Rekstrargjöld án afskrifta voru 647 mkr. sem er um 72 mkr. hækkun frá fyrra ári. Afskriftir námu 375 mkr. Fjármagnsliðir voru neikvæðir um 1.165 mkr. samanborið við 446 mkr. árið áður. Breytingin á milli ára skýrist af veikingu íslensku krónunnar.

Eignir
Heildareignir í árslok 2006 námu 9.881 mkr. þar af nam bókfært verð verslunar-miðstöðvarinnar Smáralindar 9.274 mkr.

Eigið fé
Í árslok 2006 var eigið fé félagsins 1.100 mkr. og víkjandi lán frá móðurfélaginu nam 2.791 mkr. Samtals námu því víkjandi lán og eigið fé (eiginfjárígildi) 3.891 mkr. í árslok 2006. 

Skuldir
Í lok tímabilsins námu heildarskuldir án víkjandi láns frá móðurfélaginu 5.990 mkr. þar af voru langtímaskuldir 5.449 mkr. Heildarskuldir félagsins án víkjandi láns frá móðurfélaginu hækkuðu um 450 mkr. milli ára.

Staða og horfur
Á sama hátt og undanfarin ár hefur gestum Smáralindar fjölgað á milli ára og veltan hefur aukist. Á árinu 2006 komu 5,2% fleiri gestir í Smáralind en árið á undan og heildarveltan jókst um 11,7% milli ára. 
Á árinu 2007 er fyrirhugað að hefja byggingu 15 hæða skrifstofu- og verslunarhúss, svokallaðs Norðurturns á nv-horni lóðar Smáralindar með 2ja hæða tengibyggingu sem opnast inn í verslunarmiðstöðina þar sem verslunin Útilíf er á efri hæð og Ormsson og Lyfja á neðri hæð. Ljóst er að tilkoma Norðurturnsins mun hafa verulega jákvæð áhrif á rekstur verslana í Smáralind. 




Nánari upplýsingar veitir:
Helgi M.Magnússon,
framkvæmdastjóri Smáralindar ehf.
sími 528-8000