Tap að upphæð 44 milljónir krónur varð af rekstri Eignarhaldsfélagsins Bola ehf. á árinu 2006 samanborið við 475 milljón króna hagnað árið áður. Við samanburð á milli ára er rétt að hafa í huga að verulegar breytingar urðu á starfsemi félagsins fyrri hluta árs 2005 en þá seldi félagið stóran hluta af starfsemi sinni til Promens hf. eins og fram hefur komið í fréttatilkynningu frá félaginu og er hagnaður af rekstri félagsins árið 2005 tilkominn vegna framangreindrar sölu. Endurskoðað uppgjör samstæðu Eignarhaldsfélagsins Bola ehf. fyrir árið 2006 var samþykkt á stjórnarfundi félagsins 30. mars 2007. Eftirfarandi tafla sýnir helstu niðurstöður úr samstæðureikningi Eignarhaldsfélagsins Bola ehf. Upphæðir í þús kr, verðl. hvers árs 2006 2005 1/1 - 31/12 1/1 - 31/12 Tekjur 1.734.050 1.442.343 Rekstrargjöld 1.723.057 1.482.891 Hagn.(tap) f. Fjármagnsliði (EBIT) 10.997 -40.548 EBIT, % 0,6% -2,8% Vergur hagnaður, (EBITDA) 123.787 50.492 EBITDA, % 7,1% 3,5% Fjármagnsgjöld -53.456 -117.031 Söluhagnaður eignarhluta í félögum 0 656.041 Hagnaður (tap) f. skatta -42.459 498.462 Skattar -1.492 -23.239 Hlutdeild minnihluta 0 0 Önnur gjöld 0 0 Hagnaður (tap) ársins -43.951 475.223 Veltufé frá rekstri 94.079 -67.226 Efnahagur 31. 12. 2006 31. 12. 2005 Fastafjármunir 1.555.493 1.632.329 Veltufjármunir 838.707 603.656 Eignir samtals 2.394.200 2.235.985 Eigið fé 660.022 615.123 -þar af hlutafé 135.323 135.323 Víkjandi lán móðurfélags 0 0 Skuldbindingar 193.003 200.043 Langtímaskuldir 1.075.673 1.079.322 Skammtímaskuldir 465.502 341.497 Skuldir samtals 1.734.178 1.620.862 Skuldir og eigið fé 2.394.200 2.235.985 Helstu kennitölur 31. 12. 2006 31. 12. 2005 Eiginfjárhlutfall 27,6% 27,5% Veltufjárhlutfall 1,80 1,77 Rekstur samstæðu Eignarhaldsfélagsins Bola ehf. á árinu 2006 samanstóð af þremur rekstrarfélögum; Provinor AS (áður Sæplast Norge AS), Sæplast Ålesund AS og Sæplast Canada Inc. auk móðurfélagsins. Rekstrartekjur dótturfélaganna þriggja ásamt tekjum af starfsemi móðurfélagsins voru 1.734 milljónir króna samanborið við 1.442 milljónir króna árið áður. Skýrist aukning tekna að mestu leiti á veikingu íslensku krónunnar. Hagnaður fyrir afskriftir (EBITDA) var á árinu 2006 123,8 milljón króna eða 7,1% og skiluðu öll dótturfélögin jákvæðri EBITDA. Sambærileg EBITDA árið 2005, að teknu tilliti til þess að 58,8 milljónir króna af tekjum ársins 2005 var vegna sölu eigna, var -8,3 milljónir króna og er batinn í EBITDA framlegð milli ára því 132,1 milljón króna. Þær hagræðinga aðgerðir og endurskipulagning sem unnið hefur verið að á undanförnum misserum í fyrirtækjunum hafa því skilað góðum og áþreifanlegum árangri. Hrein fjármagnsgjöld námu 53,5 milljónum króna, tap fyrir skatta var 42,5 milljónir króna og tap tímabilsins eftir skatta 44 milljónir króna. Niðurstöður efnahagsreiknings eru 2.394 milljónir króna þar af eigið fé 660 milljónir króna og er eiginfjárhlutfall 27,6%. Ársreikningur félagsins fyrir árið 2006 er gerður á grundvelli alþjóðlegra reikningsskilastaðla, IFRS en fram til ársloka 2005 hafði reikningurinn verið gerður á grundvelli laga um ársreikninga og almennt viðurkenndra íslenskra reglna um gerð ársreikninga (GAAP). Samanburðartölur fyrir árið 2005 hafa verið leiðréttar til samræmis við mismun á þessum tveimur aðferðum. Eins og framan greinir varð umtalsverður bati á rekstri dótturfélaganna á árinu miðað við fyrra ár og skiluðu þau öll jákvæðri EBITDA framlegð. Veruleg umskipti hafa orðið í rekstri Sæplast Ålesund og skilaði félagið hagnaði. Tekjur félagsins hafa aukist milli ára og er verkefnastaða þess mjög góð. Ljóst er því að þær fjölmörgu endurbætur sem unnið var að á síðasta ári hafa skilað tilætluðum árangri. Fyrirtækið hefur verið rekið í samvinnu við önnur hverfisteypufyrirtæki Promens hf. Lítilsháttar tap varð af rekstri Sæplast Canada á árinu en þær hagræðingaraðgerðir sem unnið hefur verið að á undanförnum misserum hafa skilað ágætum árangri. Mikil árstíðabundin sveifla er í tekjum félagisins, mjög stór hluti framleiðsluvaranna eru ker fyrir fiskiðnað en markaður fyrir þau var erfiður í Norður Ameríku á árinu. Fyrirtækið er rekið í samstarfi við hverfisteypufyrirtæki Promens hf. í Norður Ameríku. Provinor var rekið með tapi á árinu. Á fyrstu mánuðum ársins var nýr tækjabúnaður til framleiðslu á fríholtum að fullu tekinn í notkun í verksmiðju fyrirtækisins en búnaðurinn hafði verið smíðaður á s.l. ári. Jafnframt voru gerða umtalsverðar breytingar á ýmsum öðrum tækjabúnaði verksmiðjunnar. Í framhaldi af því að hinn nýi tækjabúnaður var tekinn í notkun var ákveðið að einfalda vöruframboð félagsins og hætta framleiðslu á vörum sem framleiddar voru í tækjum sem ekki stóð til að endurnýja. Leiddi það til umtalsverðrar fækkunar á starfsmönnum í framleiðsludeild fyrirtækisins sem kom til framkvæmda á haustmánuðum. Hinn nýji tækjabúnaður hefur fyllilega staðið undir væntingum og hafa þær vörur sem í honum eru framleiddar fengið mjög góðar viðtökur á markaði. Sæplast Álesund hefur nú verið selt Promens hf. sem tók við rekstrinum miðað við s.l. áramót og reka Bolar nú tvö fyrirtæki annars vegar Sæplast Canada og Provinor í Álasundi Noregi. Það sem af er árinu hefur rekstur fyrirtækjann gengið samkvæmt áætlun og eru horfur í rekstri þeirra ágætar. Nánari upplýsingar veitir Geir A. Gunnlaugsson í síma 580 5588 eða 892 8040.
Eignarhaldsfélagið Bolar - Ársuppgjör 2006
| Source: Eignarhaldsfélagið Bolar ehf.