Í ljósi breytingar SPRON í hlutafélag sem tekur gildi frá 1. apríl sl. er sex mánaða uppgjör SPRON nú birt aftur fyrir hlutafélagið SPRON. Uppgjörið er óbreytt að öllu leyti nema hvað varðar skiptingu eigin fjár félagsins, samanburðartölur í efnahagsreikningi og eiginfjáryfirlit. Eigið fé skiptist nú í hlutafé að nafnvirði 5.000 milljónir króna, lögbundinn varasjóð að upphæð 1.250 milljónir króna og óráðstafað eigið fé að upphæð 29.676 milljónir króna. Eigið fé hluthafa er því samtals 35.926 milljónir króna. Áður skiptist eigið fé SPRON í stofnfé 20.902 milljónir króna og varasjóð 15.024 milljónir króna og nam samtals 35.926 milljónum króna eins og eftir breytingu SPRON í hlutafélag. Skipting eigin fjár fyrir og eftir breytingu í hlutafélag 30. júní 2007 Sjá viðhengi. Frekari upplýsingar veitir: Guðmundur Hauksson Sími: 550 1200