Niðurstöður aðalfundar Teymis hf. haldinn miðvikudaginn 27. Febrúar 2008 kl.
8:30 á skrifstofu félagsins að Suðurlandsbraut 18 í Reykjavík.
Aðalfundur staðfesti ársreikning félagsins fyrir liðið starfsár. Eftirfarandi
tillögur voru einnig samþykktar:
1. Ákvörðun um greiðslu arðs
Tillaga stjórnar um að greiddur yrði út arður sem samsvari 10% af hlutafé
félagsins eða 0,10 kr. á hlut var samþykkt.
2. Kosning stjórnar
Sjálfkjörið var í stjórn Teymis hf. Stjórnina skipa:
Ásta Bjarnadóttir, Reykjavík, Jón Þorsteinn Jónsson, Reykjavík, Pétur Már
Halldórsson, Seltjarnarnesi, Þorsteinn M. Jónsson, Reykjavík og Þórdís J.
Sigurðardóttir, Reykjavík. Til vara: Einar Þór Sverrisson, Reykjavík og Soffía
Lárusdóttir, Reykjavík.
3. Kosning endurskoðunarfélags
KPMG Endurskoðun hf. var kjörið endurskoðunarfélag Teymis hf.
3. Ákvörðun um þóknun til stjórnarmanna fyrir næsta kjörtímabil
Tillaga stjórnar um laun stjórnarmanna var samþykkt. Stjórn Teymis lagði til
við aðalfund félagsins að laun stjórnarmanna verði óbreytt frá síðasta
starfsári. Þóknun fyrir næsta starfsár yrði kr. 100.000 á mánuði og tvöfalt
hærri fyrir stjórnarformann. Varamenn í stjórn munu fá kr. 50.000 fyrir hvern
fund sem þeir sitja. Varamenn fá þó að lágmarki greiddar kr. 100.000 á ári og
að hámarki kr. 1.200.000 á ári.
4. Tillögur um breytingar á samþykktum félagsins
Samþykktar voru tillögur stjórnar um eftirfarandi breytingar á samþykktum
félagsins:
Gr. 1.03:
“Heimili félagsins er að Suðurlandsbraut 18, Reykjavík.”
Gr. 2.01.2:
“Stjórn félagsins er heimilt að hækka hlutafé félagsins um allt að kr.
150.000.000 (krónur hundrað og fimmtíu milljónir). Heimildin gildir í 18
mánuði frá samþykkt hennar á hluthafafundi. Hluthafar falla frá forgangsrétti
sínum til áskriftar skv. 34. gr. laga nr. 2/1995, um hlutafélög. Þessir nýju
hlutir skulu vera í sama flokki og með sömu réttindi og aðrir hlutir í
félaginu. Þeir skulu veita réttindi í félaginu frá skrásetningardegi
hlutafjárhækkunarinnar.
Stjórn félagsins skal annast nánari útfærslu á hækkuninni m.t.t. verðs og
greiðsluskilmála.”
Gr. 4.03.1. 8. tl:
“Starfskjarastefna félagins”
Gr. 4.03.1 9. tl:
“Önnur mál löglega borin fram”.
Gr. 4.11:
“Stjórn félagsins er heimilt að ákveða að hluthafar geti tekið þátt í
fundarstörfum hluthafafunda með rafrænum hætti án þess að vera á fundarstað.
Hluthafar sem hyggjast nýta sér rafræna þátttöku skulu tilkynna skrifstofu
félagsins þar um með 5 daga fyrirvara og leggja þar fram skriflegar spurningar
varðandi dagskrá eða framlögð skjöl sem þeir óska svara við á fundinum.
Telji stjórn að tiltækur sé nægilega öruggur búnaður til að gera slíka þátttöku
mögulega og ákveði stjórn að nýta þessa heimild skal þess sérstaklega getið í
fundarboði.
Stjórn er einnig heimilt að ákveða að hluthafafundur verði aðeins haldinn
rafrænt.
Að öðru leyti gilda um slíkar atkvæðagreiðslur ákvæði 80. gr.a laga nr. 2/1995
um hlutafélög, með síðari breytingum.”
5. Tillaga stjórnar um starfskjarastefnu félagsins
Tillaga stjórnar um að starfskjarastefna félagsins yrði óbreytt frá fyrra ári
var samþykkt.
6. Tillaga um heimild til handa stjórn félagsins til að kaupa hluti í félaginu
samkvæmt 55. gr. hlutafélagalaga nr. 2/1995.
Samþykkt var tillaga stjórnar Teymis hf. um heimild til stjórnar félagsins til
að kaupa eigin hlutabréf, sbr. 55.gr. hlutafélagalaga. Hámarksfjöldi keyptra
hluta skal vera allt að 10% af hlutafé félagsins. Kaupverð skal vera að
lágmarki nafnverð hlutabréfanna og að hámarki 10% yfir markaðsverði bréfanna
hverju sinni. Heimildin gildir til næsta aðalfundar félagsins.
Nánari upplýsingar veitir Dóra Sif Tynes í síma 595 5000.
