Ársreikningur Grindavíkurbæjar og stofnana fyrir árið 2007 var lagður fram til
fyrri umræðu í bæjarstjórn Grindavíkur þann 16. apríl 2008.
Samkvæmt lögum ber að fjalla um ársreikninginn á tveimur fundum og verður
seinni umræða þann 14. maí 2008 og á þeim fundi er samþykkt bæjarstjórnar á
ársreikningnum fyrirhuguð.
Ef bæjarstjórn samþykkir ársreikninginn í fyrirliggjandi mynd og við
afgreiðslu og samþykkt bæjarstjórnar koma ekki fram mikilvægar
viðbótarupplýsingar, sem geta haft áhrif á gerð ársreikningsins og /eða
niðurstöður hans, munu endurskoðendur árita ársreikninginn með fyrirvaralausri
áritun.
Niðurstöður málaflokka eru að mestu í samræmi við áætlanir. Helstu frávik í
rekstri í samanteknum reikningsskilum eru eftirfarandi:
- Söluhagnaður af hlutabréfum 58,9 millj. kr. umfram áætlun.
- Fjármunatekjur 26,2 millj. kr. umfram áætlun
- Fjármagnsgjöld 10,6 millj. kr. umfram áætlun
- Rekstrartekjur 40 millj. kr. umfram áætlun. Aðallega vegna hærra framlags
frá Jöfnunarsjóði
- Rekstrargjöld 33 millj. kr. undir áætlun
- Afskriftir eru 14 millj. kr. umfram áætlun.
Helstu liðir í rekstri málaflokka eru launaliðir. Launamenn hjá Grindavíkurbæ
og stofnunum voru 156 í 123 stöðugildum á árinu 2007. Laun og launatengd gjöld
voru 594.414 millj. kr. Þar af eru laun bæjarstjórnar, bæjarráðs og bæjarstjóra
27,9 millj. kr.
