MIKILL VIÐSNÚNINGUR Í REKSTRI OG AFKOMU - ENDURFJÁRMÖGNUN LOKIÐ - GÓÐAR HORFUR
• Mikil aukning EBITDA* hagnaðar, eða 24,6%, en hann nam 27,2 milljörðum króna
(135,1 m.punda) á árinu 2009 og var 1 milljarði króna (5,1 m.punda) umfram
markmið félagsins
• Stórbætt EBITDA* hlutfall á árinu, 8,2% samanborið við 6,7% árið 2008
- hækkaði enn frekar á fjórða ársfjórðungi í 8,7%
• Verulegur viðsnúningur í afkomu félagsins á árinu sem nemur 28,7 milljörðum
króna (142,4 m.punda), en tap félagsins á árinu nam 2,4 milljörðum króna
(11,8 m.punda) samanborið við 31,1 milljarðs króna tap (154,2 m.punda)
árið 2008
• Frjálst fjárflæði styrktist verulega eða um 20,6 milljarða króna
(102,3 m.punda) á árinu og nam 13,8 milljörðum króna (68,3 m.punda)
• Hagræðingaraðgerðir sem ráðist var í 2008 og 2009 hafa skilað aukinni
arðsemi félagsins - sala á ferskum tilbúnum matvælum félagsins í Bretlandi
jókst sérlega mikið eða um 5%
• Félagið gerir ráð fyrir að EBITDA hagnaður muni nema um 5,8 milljörðum króna
(29 m.punda) á fyrsta ársfjórðungi 2010 sem er 53% aukning frá fyrra ári og
að EBITDA hagnaður muni nema 29,2 milljörðum króna (145 m.punda)
á ársgrundvelli
• Félagið hefur nú verið endurfjármagnað að fullu
Ágúst Guðmundsson, forstjóri:
Mikill viðsnúningur hefur orðið í rekstri og afkomu félagsins eins og uppgjör
ársins 2009 sýnir. Sala hefur aukist verulega á lykilmarkaði félagsins með
fersk tilbúin matvæli í Bretlandi, auk þess sem sjóðstreymi hefur styrkst á ný.
Þær aðgerðir sem félagið hefur ráðist í á síðastliðnum tveimur árum hafa skilað
góðum árangri og erum við bjartsýn á framtíðarhorfur félagsins.
Þá hefur félagið verið endurfjármagnað að fullu í kjölfar samþykktar
nauðasamnings þess en hann gengur út á framlengingu gjalddaga lána til ársins
2014 og útgáfu nýrra hlutaflokka sem styrkja efnahagsreikning félagsins.
Samningurinn kemur í kjölfar endurfjármögnunar á rekstrarfélögum samstæðunnar
sem gengið var frá snemma á síðasta ári og tryggir fjárhagslegan stöðugleika
félagsins.
Frekari upplýsingar veita:
Ágúst Guðmundsson, forstjóri
Sími: 550 9700
Richard Howes, fjármálastjóri
Sími: 550 9700
Ásdís Ýr Pétursdóttir, samskiptasvið
Sími: 550 9715
*EBITDA að undanskildum einskiptiskostnaði vegna hagræðingar
** Sala leiðrétt m.t.t. framleiðslu sem var afsalað vegna hagræðingar
