Afkoma Lykils fjármögnunar hf. fyrri hluta árs 2018
Stjórn Lykils fjármögnunar hf. samþykkti árshlutareikning fyrir fyrstu sex mánuði ársins 2018 þann 22. ágúst 2018.
Helstu lykiltölur árshlutareikningsins eru:
Heildar tekjur voru 1.009 m.kr. og hækkuðu um 6% frá sama tímabili á árinu 2017.
Vaxtatekjur á tímabilinu hækkuðu um 147 m.kr. frá sama tímabili í fyrra í samræmi við hækkun á vaxtaberandi eignum. Vaxtagjöld jukust um 178 m.kr. vegna aukinnar verðbréfa- og víxlaútgáfu auk þess sem erlend lántaka var greidd niður í samræmi við ákvæði lánssamnings. Hreinar vaxtatekjur lækkuðu því um 31 m.kr.
Rekstrarkostnaður var 601 m.kr. og hækkar um 15% frá sama tímabili í fyrra sem skýrist einkum af auknum umsvifum.
Hrein virðisbreyting var jákvæð um 598 m.kr. sem er 148% hækkun frá sama tímabili á árinu 2017.
Hagnaður tímabilsins fyrir tekjuskatt var 817 m.kr. sem er 67% hækkun frá sama tímabili á árinu 2017.
Arðsemi eigin fjár var 12,3% á ársgrundvelli.
Heildareignir í lok tímabilsins voru 32.777 m.kr. og jukust um 998 m.kr. frá 31.12.2017, eða 3,1%. Aukningin nam 3.499 m.kr. frá sama tímabili 2017, eða 12%.
Eigið fé í lok tímabilsins var 13.201 m.kr.
Reiknað eiginfjárhlutfall (CAD) er 42,1%.
Frekari upplýsingar um félagið má finna á eftirfarandi slóð:
https://www.lykill.is/starfsemi/fjarfestatengsl/
Viðhengi