Eik fasteignafélag hf. óskar eftir tilboðum í ytri endurskoðun fyrir samstæðu félagsins og félög innan samstæðunnar vegna fjárhagsársins 2023.
Útboðið er opið en til að bjóðendur komi til greina sem ytri endurskoðendur Eikar fasteignafélags hf. þurfa þeir að uppfylla eftirfarandi skilyrði:
- Endurskoðunarfyrirtæki skal hafa starfsleyfi samkvæmt 4. gr. laga nr. 94/2019 um endurskoðendur, hafa starfsstöð á Íslandi auk þess að vera aðili að alþjóðlegu tengslaneti
- Endurskoðað skal í samræmi við Alþjóðlega endurskoðunarstaðla
- Endurskoðunarfyrirtækið skal fylgja Alþjóðlegum gæðastaðli ISQC 1 og siðareglum gefnum út af IESBA
- Endurskoðunarfyrirtækið skal vera óháð Eik fasteignafélagi og dótturfélögum
- Kostur ef endurskoðunarfyrirtæki hefur formlega sjálfbærnistefnu og gefur út sjálfbærniskýrslu
- Endurskoðunarfyrirtæki skal hafa yfir að ráða starfsfólki sem hefur næga þekkingu og reynslu til að sinna verkefninu, þ. á m. sérfræðingi í mati á virði fjárfestingareigna
Tilkynna þarf um þátttöku eigi síðar en kl. 16:00 þann 26. október 2022, með því að fylla út og undirrita tilkynningarblað og senda það á netfangið utbod@eik.is. Strax og farið hefur verið yfir tilkynningarblaðið, og meðfylgjandi gögn, verður þeim sem uppfylla framangreind skilyrði veittur aðgangur að útboðslýsingu og frekari gögnum um verkefnið, eins og við á. Undirrituð skal viðhengd trúnaðaryfirlýsing vegna útboðsgagna.
Vakin er athygli á því að fundur er fyrirhugaður með bjóðendum 1. nóvember 2022. Tilboðum skal skilað inn fyrir kl. 16:00 þann 10. nóvember 2022 og tilboð verða opnuð kl. 11:00 þann 11. nóvember 2022. Nánari upplýsingar um tímalínuna er að finna í útboðslýsingu.
Endurskoðunarnefnd Eikar fasteignafélags hf.
Viðhengi
