Leiðrétting. Lykiltölum hefur verið bætt við. Hagnaður af rekstri ÍAV hf. á fyrri helming árs 2007 að teknu tilliti til skatta nam 228 milljónum króna. EBITDA 460 milljónir króna og veltufé frá rekstri 411 milljónir króna. Á stjórnarfundi Íslenskra aðalverktaka hf. þann 30. ágúst 2007 var árshlutareikningur fyrir fyrri helming ársins 2007 staðfestur. Árshlutareikningur Íslenskra aðalverktaka hf. hefur að geyma samstæðureikning félagsins og dótturfélaga þess. Rekstur á fyrri helming ársins 2007 Rekstrartekjur samstæðu Íslenskra aðalverktaka hf. námu 6.850 milljónum króna á fyrri hluta ársins 2007. Rekstrarhagnaður fyrir fjármagnsliði, skatta og afskriftir (EBITDA) var 460 milljónir króna. Afskriftir tímabilsins námu 126 milljónum króna. Rekstrarhagnaður fyrir fjármagnsliði og skatta nam 334 milljónum króna á tímabilinu. Hagnaður félagsins fyrir skatta, að teknu tilliti til fjármagnsliða nam 280 milljónum króna, en fjármagnsliðir voru nettó neikvæðir um 54 milljónir króna. Að teknu tilliti til reiknaðra skatta nam hagnaður félagsins 228 milljónum króna á fyrri hluta ársins 2007. Efnahagur Heildareignir Íslenskra aðalverktaka hf. og dótturfélaga námu 9.206 milljónum króna í lok júní 2007. Heildarskuldir samstæðunnar voru 6.411 milljónir króna og bókfært eigið fé þann 30. júní 2007 var 2.795 milljónir króna. Eiginfjárhlutfall var því 30%. Sjóðstreymi Veltufé samstæðu Íslenskra aðalverktaka hf. frá rekstri á fyrri helming árs 2007 var 411 milljónir króna. Handbært fé 30 júní 2007 var 521 milljónir króna og veltufjárhlutfall var 1,96. Reikningsskilaaðferðir Félagið færir nú reikningsskil sín í samræmi við alþjóðlega reikningsskilastaða (IFRS). Upptökudagur reikningsskilastaðlanna miðast við 1. janúar 2006 og hafa því fyrri reikningsskil fyrir tímabilið 1. janúar - 30 júní 2006 verið færð samkvæmt stöðlunum til samanburðar. Helstu áhrif IFRS á niðurstöðu fyrri reikningsskila tímabilsins 1. janúar - 30. júní 2006 eru eftirfarandi í þúsundum króna. • Afskriftir voru 132.121 kr., en verða 116.443 kr. • Hagnaður tímabilsins var 29.960 kr., en verður 45.638 kr. • Heildareignir voru 9.450.325 kr., en verða 9.360.767 kr. • Eigið fé var 2.892.870 kr., en verður 2.803.312 kr. Helstu áhrif IFRS á niðurstöður efnahagsreiknings í árslok 2006 eru eftirfarandi í þúsundum króna. • Heildareignir voru 8.645.301 kr., en verða 8.571.421 kr. • Eigið fé var 2.640.525 kr., en verður 2.566.644 kr. Starfsemi ÍAV á fyrri helming árs 2007 / framtíðarhorfur Rekstur ÍAV á fyrri helmingi ársins 2007 gekk í samræmi við áætlanir félagsins. Félagið hóf á fyrrihluta árs vinnu á nokkrum nýjum byggingarsvæðum auk þess sem áfram var haldið með önnur verk. Þá gekk vel að afla félaginu nýrra verkefna á fyrrihluta ársins. Verkefnastaða félagsins framundan er því góð og er bygging Tónlistar- og ráðstefnuhúss við Austurhöfn ankeri í starfsemi félagsins á næstu árum. Hjá Íslenskum aðalverktökum hf. og dótturfélögum þess störfuðu að meðaltali 608 starfsmenn á fyrri helming árs 2007 auk starfsmanna undirverktaka sem skipta hundruðum. Stjórnendur ÍAV sjá áframhaldandi tækifæri til sóknar og aukinna umsvifa í starfsemi félagsins og fjölþættingar á rekstri. Með frekari fjölþættingu að markmiði hefur félagið nú keypt 51% hlut í Nesprýði ehf. sem sérhæfir sig í yfirborðsfrágangi lóða og fellur sú starfsemi vel að núverandi starfsemi innan samtæðu ÍAV.
2007 - Leiðrétting - Frétt send úr 2007-08-30 17:18:55
| Source: Íslenskir aðalverktakar hf.
Pièces jointes
