Landsbankinn mun halda lokað útboð á sértryggðum skuldabréfum þriðjudaginn 8. október kl. 15:00. Boðinn verður til sölu verðtryggði flokkurinn LBANK CBI 30.
Í tengslum við útboðið fer fram skiptiútboð þar sem eigendur verðtryggða flokksins LBANK CBI 24 eiga þess kost að selja bréf í flokknum gegn kaupum á skuldabréfum í ofangreindu útboði. Verð skuldabréfanna er fyrirframákveðið og er 99,914.
Áætlaður uppgjörsdagur er 15. október 2024.
Lánshæfiseinkunn sértryggðra skuldabréfa Landsbankans er A+ með stöðugum horfum samkvæmt mati S&P.
Markaðsviðskipti Landsbankans hafa umsjón með útboðinu. Hægt er að nálgast nánari upplýsingar í síma 410-7330 eða með tölvupósti, verdbrefamidlun@landsbankinn.is.
