Miðvikudaginn 16. október 2024 var hluthafafundur Reita fasteignafélags hf. haldinn á Hotel Reykjavík Natura. Fundurinn hófst kl. 15:30.
Tillögur þær sem lágu fyrir fundinum má finna á vefsíðu félagsins hér.
Niðurstöður fundarins urðu eftirfarandi:
1. Tillaga stjórnar um breytingu á 3. gr. samþykkta félagsins
Hluthafafundur samþykkti breytingu á 3. gr. samþykkta félagsins um tilgang félagsins þannig að við hana bætist rekstur hótela ásamt þróun byggingaverkefna og bygging íbúða - og atvinnuhúsnæðis.
2. Tillaga stjórnar um kaupréttaráætlun fyrir stjórnendur og lykilstarfsmenn
Hluthafafundur samþykkti kaupréttaráætlun fyrir stjórnendur og aðra lykilstarfsmenn samstæðunnar í samræmi við fyrirliggjandi tillögu. Heildarfjöldi hluta sem heimilt er að veita kauprétt að á grundvelli kaupréttaráætlunarinnar, eins og hún var lögð fyrir fundinn, er 9.000.000 sem svarar til tæplega 1,3% af heildarhlutafé félagsins. Samkvæmt kaupréttaráætluninni er miðað við að forstjóra félagsins verði veittur kaupréttur að allt að 1.800.000 hlutum og framkvæmdastjórum allt að 750.000 hlutum. Heimilt verður að veita lykilstjórnendum innan samstæðu félagsins kauprétti, á bilinu 100.000 til 500.000 hluti til hvers og eins.
3. Tillaga stjórnar um breytingu á 4. gr. samþykkta félagsins
Hluthafafundur samþykkti breytingu á 4. gr. samþykkta félagsins í samræmi við fyrirliggjandi tillögu og á þá leið að við hana verði bætt nýrri heimild í 2. mgr. 4. gr. vegna innleiðingar kaupréttarkerfis.
4. Önnur mál
Engin önnur mál voru tekin til afgreiðslu á fundinum og var honum slitið kl. 16:10.
