Stjórn Ölgerðarinnar Egils Skallagrímssonar hf. (hér eftir „félagið“) hefur tekið ákvörðun um að hækka hlutafé félagsins um kr. 5.687.739 að nafnverði, úr kr. 2.837.715.174 í kr. 2.843.402.913, að nafnverði, með útgáfu 5.687.739 nýrra hluta. Hver hlutur er að fjárhæð ein króna og fylgir hverjum hlut eitt atkvæði.
Hlutirnir eru gefnir út til efnda á kaupréttarsamningum fyrrum stjórnanda félagsins og fer hækkunin fram á grundvelli 2. mgr. 4. gr. samþykkta félagsins, sem heimilar stjórn að hækka hlutafé til að mæta nýtingu kauprétta.
Áskriftarverð hinna nýju hluta er eftirfarandi, í samræmi við ákvæði þeirra tveggja kaupréttarsamninga sem um ræðir:
| Fjöldi hluta: | Áskriftarverð: |
| 4.500.000 | kr. 4,75 á hlut að viðbættum 8% ársvöxtum frá 19. maí 2021 |
| 1.187.739 | kr. 11,90 á hlut |
Hlutafjárhækkunin verður tilkynnt til og skráð af fyrirtækjaskrá Skattsins og nýir hlutir verða gefnir út af Nasdaq CSD og óskað eftir töku þeirra til viðskipta á Aðalmarkaði Nasdaq Iceland.
