Á hluthafafundi í Tryggingamiðstöðinni hf., sem haldinn var 8. október 2007, voru samþykktar eftirfarandi breytingar á 19. gr. samþykkta félagsins: a. Að 1. og 2. mgr. 19. hljóði svo: Stjórn félagsins skal skipuð þremur mönnum. Stjórnarmenn og framkvæmdastjóri skulu fullnægja þeim skilyrðum sem kveðið er á um í 66. gr. laga nr. 2/1995 um hlutafélög og 2. mgr. 43. gr. laga nr. 60/1994 um vátryggingastarfsemi. Aðalfundur félagsins kýs stjórn og skal kjörtímabil stjórnarmanna vera til næsta aðalfundar. Ef hluthafar, sem ráða yfir minnst 1/10 hlutafjárins, krefjast þess, skal beita hlutfallskosningu eða margfeldiskosningu við kjör stjórnarmanna. Krafa um þetta skal hafa borist stjórn félagsins minnst fimm dögum fyrir aðalfund. Nú koma fram kröfur frá fleiri en einum hluthafahóp og krafist er bæði hlutfalls- og margfeldiskosningar og skal þá beita margfeldiskosningu. b. Að 4. mgr. 19. gr. hljóði svo: Undirskrift meiri hluta stjórnarmanna er skuldbindandi fyrir félagið. Á stjórnarfundum ræður afl atkvæða úrslitum og eru stjórnarfundir lögmætir þegar meiri hluti stjórnarmanna er mættur. Stjórnin skal bóka stutta skýrslu um það er fram fer á fundum hennar og staðfestist hún með undirskrift mættra stjórnarmanna. Til setu í stjórn félagsins til loka starfsársins voru kjörnir: Gunnar Karl Guðmundsson, kt. 141259-2960, Jón Sigurðsson, kt. 180378-4219, og Þorsteinn Már Baldvinsson, kt. 071052-4359. Að hluthafafundinum loknum kom nýkjörin stjórn saman til fundar og skipti með sér verkum. Gunnar Karl Guðmundsson var kjörinn formaður stjórnar, Jón Sigurðsson varaformaður og Þorsteinn Már Baldvinsson meðstjórnandi.