2007

Hagnaður 255 milljónir króna

Helstu niðurstöður ársreiknings Sparisjóðs Bolungarvíkur fyrir árið 2007:

   Hagnaður varð 255 milljónir króna eftir skatta samanborið við 185 milljóna
    króna hagnað á árinu 2006. Fyrir skatta nam hagnaðurinn 306 milljónum króna
    samanborið við 206 milljóna króna hagnað á árinu 2006. 

   Arðsemi eigin fjár eftir skatta var 19,5% samanborið við 20,2% arðsemi á 
    árinu 2006.

   Hreinar vaxtatekjur lækkuðu um 6,6% frá fyrra ári og voru 137 milljón króna.

   Hreinar rekstrartekjur námu 661 milljónum króna samanborið við 453
    milljónir króna á árinu 2006, sem er 45,9% aukning milli ára.

   Hlutfall kostnaðar af tekjum var 34,5% samanborið við 38,8% á árinu 2006.

   Framlag í afskriftareikning útlána nam 127 milljónum króna, sem er hækkun
    frá árinu 2006 er framlagið var 71 milljónir króna. Þessi hækkun er að mestu
    leiti  tilkomin vegna breyttra reikningsskilavenja, enda er almennur
    afskriftasjóður 3,6% af heildar útlánum sem er í hærra lagi. 

   Heildareignir námu 9.257 milljónum króna í árslok 2007 og hafa aukist um
    37,6% á  árinu. 

   Útlán til viðskiptamanna námu 5.079 milljónum króna í árslok 2007 og jukust
    um 47,1%. hlutfall útlána til einstaklinga í árslok 2007 var 45,7% en var
    55,5% í árslok 2006. 

   Innlán námu 3.274 milljón króna í lok ársins 2007, sem er 3,5% aukning.

   Eigið fé nam 2.006 milljónum króna í lok ársins 2007, eykst um 58,5% á
    árinu, og CAD-eiginfjárhlutfall var 15,1% í lok ársins samanborið við 24,2%
    í árslok 2006. 

   Stjórn Sparisjóðs Bolungarvíkur mun leggja til við aðalfund að
    stofnfjáraðilum  verði greiddur 20% arður af stofnfjáreign í lok ársins
    2007. 

Ársreikningur Sparisjóðs Bolungarvíkur fyrir árið 2007 sýnir að Sparisjóðurinn
er í traustum vexti. Stofnfé nam 769 milljónum króna í árslok og jókst um 251%
á árinu. Varasjóður nam 1.237 milljónum króna í árslok og jókst því um 18,2% á
árinu. 

Á árinu gekk Sparisjóður Bolungarvíkur inn í samstarf um rekstur SP-ráðgjafar
er sér um ýmis sérverkefni fyrir sparsjóðina og hefur reynsla ársins 2007 verið
mjög góð og skilað sér í aukningu útlána. 

Meðalfjöldi starfsmanna Sparisjóðsins á árinu var 14 og var árið hið fyrsta er
sparisjóðurinn gerir reikningsskil í samræmi við IFRS. 

Horfur fyrir árið 2008 eru sæmilegar, þrátt fyrir erfiða stöðu á
fjármálamörkuðum, búist er við samdrætti í útlánum og harðri samkeppni um
innlán á árinu. Sparisjóðurinn er nokkuð vel í stakk búinn til að takast á við
þær áskoranir sem séð er fram á að komi á árinu og varlega var farið í að
endurmeta fjárhagslegar eignir Sparisjóðsins á gangvirði í lok árs 2007. 

Aðalfundur Sparisjóðs Bolungarvíkur verður haldinn mánudaginn 17. mars n.k.
Stjórn sjóðsins leggur til að greiddur verði 20% arður á uppreiknað stofnfé,
auk þess sem nýttar verði heimildir laga um endurmat og viðbótarendurmat. 

Nánari upplýsingar veitir Ásgeir Sólbergsson, sparisjóðsstjóri, netfang:
asgeir@spbol.is í síma 450-7100.