Stjórn Glitnis sjóða hf., sem rekur Verðbréfasjóði Glitnis, Fjárfestingarsjóði
Glitnis og Fagfjárfestasjóði Glitnis hefur staðfest ársreikning félagsins fyrir
árið 2007.
Afkoma Glitnis sjóða hf. árið 2007 - 63,3% vöxtur eigna í stýringu
● Hagnaður Glitnis sjóða hf. eftir skatta árið 2007 nam 275,2 m.kr. samanborið
við 28,9 m.kr. árið 2006.
● Hagnaður færður á hlutdeildarskírteini eigenda Verðbréfa- og
Fjárfestingarsjóða Glitnis var 19.302 m.kr. árið 2007 samanborið við 11.857
árið 2006 sem er 62,8% aukning á milli ára.
● Hreinar rekstrartekjur námu 1.937 m.kr. samanborið við 1.155 m.kr. árið áður,
jukust um 67,7%
● Rekstrargjöld námu 1.599 m.kr. samanborið við 1.120 m.kr.
● Heildareignir félagsins námu 764 m.kr. en voru 215 m.kr. í ársbyrjun.
● Eigið fé í árslok 2006 nam 358 m.kr. en var 83 m.kr. í ársbyrjun
● Eiginfjárhlutfall félagsins, sem reiknað er samkvæmt lögum um
fjármálafyrirtæki, var 63,1% í árslok 2007 en þetta hlutfall má ekki vera
lægra en 8,0%.
● Fjármunir sjóða í stýringu Glitnis sjóða hf. námu 238.578 m.kr. í
lok ársins samanborið við 145.765 m.kr. í árslok 2006, jukust um 63,3% á
árinu 2007.
● Glitnir sjóðir hf. sér um stýringu og rekstur á sex sjóðsdeildum í
Verðbréfasjóðum Glitnis, fjórum sjóðsdeildum í Fjárfestingarsjóðum Glitnis og
einni sjóðsdeild í Fagfjárfestasjóðum Glitnis. Einnig sér félagið um
stýringu á tveimur verðbréfasjóðum og einum vogunarsjóði í Glitnir Asset
Management S.A. í Lúxemborg. Heildareignir í stýringu Glitnis sjóða hf. í
Lúxemborg eru 8.513 m.kr.
● Ársreikningi félagsins er skipt í tvo hluta, A-hluta sem inniheldur
ársreikning Glitnis sjóða og B-hluta sem inniheldur ársreikning
Verðbréfasjóða Glitnis og Fjárfestingarsjóða Glitnis. Þessi framsetning á
reikningnum er í samræmi við reglur um reikningsskil rekstrarfélaga
verðbréfasjóða sem settar eru af Fjármálaeftirlitinu.
● Ársreikningurinn hefur verið endurskoðaður af PricewaterhouseCoopers hf. sem
telur að reikningurinn gefi glögga mynd af afkomu félagsins og sjóðanna á
árinu 2007.
Ársreikningur félagsins verður tilbúinn 1. apríl og mun liggja frammi hjá
Eignastýringu Glitnis, Kirkjusandi, 4. hæð og á www.glitnir.is/sjodir
Nánari upplýsingar um ársreikning Glitnis sjóða hf. veitir Eggert Þór
Kristófersson, framkvæmdastjóri félagsins í síma 440-4955.
