Rekstur á áætlun - rekstrarkostnaður lækkar um 17%
Styrking evru felur í sér €7,5 milljóna gengistap.
Helstu niðurstöður fyrsta ársfjórðungs
Vörusala € 321,1 milljónir
11% samdráttur í tekjum að teknu tilliti til gengisáhrifa
Hagnaður fyrir vexti, skatta og afskriftir (EBITDA) € 11,9 milljónir
Rekstrarhagnaður (EBIT) er € 7,3 milljónir
Tap € 7,3 milljónir
Vaxtaberandi skuldir lækka um €37 milljónir
Handbært fé frá rekstri fyrir skatta og vexti € 32,9 milljónir
Heildareignir € 723 milljónir - eiginfjárhlutfall 16,1%
Birgðir samstæðunnar lækka um € 43,7 milljónir frá áramótum
Heildarskuldir samstæðunnar lækka um € 57,1 milljón frá áramótum
Finnbogi A. Baldvinsson forstjóri Icelandic Group:
Rekstur Icelandic Group hf. var samkvæmt áætlun á fyrsta ársfjórðungi. Það eru
vissulega jákvæð teikn, en á móti kemur frávik sem eru fjármagnsliðirnir.
Félagið er að vinna á mörgum mörkuðum og gengisþróun hefur mikil áhrif á
félagið. Gengistap á ársfjórðungnum nam sjö og hálfri milljón evra en var á
sama tíma í fyrra 55 þúsund evrur. Á móti kemur að vaxtaberandi skuldir
samstæðunnar lækka um 37 milljónir evra sem er að hluta til vegna styrkingar
evrunnar.
Við höfum náð að lækka rekstrarkostnað samsteypunnar umtalsvert eða um 17%
þegar bornir eru saman fyrstu ársfjórðungar í fyrra og í ár.
Víkjandi lán sem félagið er að ganga frá gerir það að verkum að við getum
óhikað tekist á við þau stóru verkefni sem framundan eru. Ég er þess fullviss
að reksturinn mun skila aukinni framlegð þegar líður á árið.
