Afkoma HB Granda hf. á fyrri árshelmingi 2008
• Rekstrartekjur fyrri árshelmings voru 6.917 mkr, en voru 7.696 mkr árið áður
• EBITDA var 1.381 mkr (20%), en var 2.539 mkr á sama tíma árið áður, þar af
609 mkr vegna hagnaðar af sölu skipa
• Nettó gengismunur og verðbætur lána voru neikvæð um 4.546 mkr, en jákvæð um
1.965 mkr árið áður
• Tap tímabilsins var 3.198 mkr, en árið áður varð 2.933 mkr hagnaður
Rekstur fyrstu sex mánaða ársins 2008
Rekstrartekjur HB Granda hf. á fyrri helmingi ársins 2008 námu 6.917 mkr,
samanborið við 7.696 mkr á sama tímabili í fyrra. Lægri tekjur skýrast einkum
af mun minni afla. Þannig minnkaði veiði þorsks um 42% og loðnu um 47% vegna
minnkaðra aflaheimilda, sem og ýsu um 31% vegna minni þorskveiði. Þá minnkaði
veiði á úthafskarfa um 45% og kolmunna um 42%, en minna var sótt í þessar
tegundir vegna slakra aflabragða og hás olíuverðs. Á móti kom hækkun tekna
vegna veikingar íslensku krónunnar, en meðalgengisvísitalan hækkaði úr 119 í
142 á milli ára eða um 19%. Rekstrarhagnaður fyrir afskriftir (EBITDA) var
1.381 mkr eða 20% af rekstrartekjum, en var 2.539 mkr árið áður, þar af 609 mkr
vegna hagnaðar af sölu skipa (25% án söluhagnaðar). Lægra EBITDA hlutfall
réðst m.a. af hlutfallslega minni veiði verðmætra tegunda, s.s þorsks, og háu
olíuverði. Rekstrarhagnaður af eigin starfsemi var 858 mkr, en var 1.956 mkr á
sama tímabili árið áður. Áhrif fjáreignatekna og fjármagnsgjalda voru neikvæð
um 4.992 mkr, en jákvæð um 1.684 mkr árið áður. Þar af voru gengistap og
verðbætur lána 4.546 mkr á fyrri árshelmingi 2008, en gengishagnaður umfram
verðbætur var 1.965 mkr árið áður. Vísitala gengisskráningar hækkaði úr 120,0
þann 31.12.2007 í 160,4 þann 30.6.2008, eða um 33,7%.
Áhrif hlutdeildarfélaga voru neikvæð um 63 mkr, en neikvæð um 17 mkr árið áður.
Tap fyrir tekjuskatt var 4.196 mkr á móti 3.623 mkr hagnaði á fyrstu sex
mánuðum fyrra árs. Tap HB Granda hf. á fyrri árshelmingi ársins 2008 nam 3.198
mkr, en árið áður var hagnaður félagsins 2.933 mkr.
Efnahagur
Heildareignir félagsins námu 28.852 mkr í lok júní 2008, en 27.548 mkr í lok
árs 2007. Þar af voru fastafjármunir 23.715 mkr og veltufjármunir 5.137 mkr.
Í lok júní nam eigið fé 6.528 mkr. Eiginfjárhlutfall var 23%, en var 35% í lok
árs 2007. Heildarskuldir félagsins voru í júnílok 22.325 mkr.
Skipastóll og afli
Skipastóll HB Granda hf. samanstendur af 5 frystitogurum, 3 ísfisktogurum og 4
uppsjávarskipum.
Fyrstu sex mánuði ársins var botnfiskafli skipa félagsins um 25 þúsund tonn og
uppsjávarafli um 58 þúsund tonn.
Rekstur á seinni árshelmingi
Það sem af er seinni árshelmingi 2008 hafa uppsjávarskip HB Granda veitt
rúmlega 33 þúsund tonn af norsk-íslenskri síld og makríl og er aflaverðmætið
rétt innan við einn milljarð króna, sem er heldur meira en heildaraflaverðmæti
skipanna á fyrri árshelmingi. Aflinn hefur allur farið í bræðslu, mest í
verksmiðju félagsins á Vopnafirði.
Togarar félagsins hafa einnig aflað vel, einkum af ufsa.
