Árshlutareikningur 1.1. - 30.6. 2008
• Rekstrartekjur tímabilsins voru € 21 milljón (2.287mkr.), en voru € 26,2
milljónir (2.329 mkr.) sama tímabil árið áður.
• Rekstrarhagnaður (EBIT), án annarra tekna og gjalda, var € 1 milljón (114
mkr.) en var € 2,8 milljónir (245mkr.) árið áður.
• Hlutdeild í tapi HB Granda hf., sem gjaldfært er í árshlutareikninginn, nemur
€ 2,8 milljónum (301mkr.) en tekjufærsla vegna hlutdeildar í hagnaði var á
sama tímabili árið áður € 3,1 milljón (275mkr.).
• Fjárliðir samtals voru € 4,6 milljónir (496mkr.) til gjalda en voru € 2,8
milljónir (253mkr.) til tekna árið áður.
• Tap tímabilsins var € 2,3 milljónir (248mkr.), en hagnaður nam € 5,3
milljónum (469mkr.) sama tímabil árið áður.
Rekstur fyrri helming ársins 2008
Rekstur samstæðunnar á tímabilinu var undir áætlun og réð þar mestu léleg
úthafskarfavertíð en einnig drógst sala dótturfélaga í Noregi og á Írlandi
saman frá fyrra ári. Framleiðslukostnaður hefur hækkað sem hlutfall af tekjum,
mest vegna launaskriðs sem orðið hefur hjá dótturfélagi í Litháen. Vegna
gengisfalls krónunnar urðu fjárliðir óhagstæðir hjá dótturfélagi á Íslandi og
hlutdeildarfélaginu HB Granda. Tap tímabilsins var € 2,3 milljónir (248mkr.)
en hagnaður var € 5,3 milljónir (469mkr.) sama tímabil árið áður.
Efnahagur
Heildareignir voru € 74,1 milljón í árslok. Skuldir námu € 44,4 milljónum og
eigið fé nam € 29,7 milljónum, en af þeirri upphæð eru € 5,5 milljónir
hlutdeild minnihluta í eigin fé dótturfélaga.
Hlutfall eigin fjár, þegar hlutdeild minnihluta er meðtalin með eigin fé, var í
árslok 40% af heildareignum samstæðunnar.
Árshlutareikningurinn er á heimasíðu Hampiðjunnar hf., www.hampidjan.is.
