-Kjarnastarfsemi Eimskips í góðum rekstri og áfram unnið að langtímafjármögnun félagsins Vegna atburða undanfarinna daga og í ljósi þess að Samson eignarhaldsfélag ehf. fór fram á greiðslustöðvun fyrr í dag er mikil óvissa um fyrirhuguð kaup fjárfesta á kröfu á hendur Eimskipafélaginu eins og fram kom í tilkynningu félagsins 10. september sl.. Krafa þessi er tilkomin vegna gjaldþrots XL og er að fjárhæð 207 milljónir evra. Óvissa ríkir því um kröfuna og þar með um langtímafjármögnun félagsins. Áfram er unnið að fjárhagslegri endurskipulagningu félagsins og sala eigna er í eðlilegu horfi. Flutningastarfsemi Eimskips er í góðum rekstri, dagleg starfsemi er tryggð og þjónusta félagsins er með óbreyttum hætti.