Helstu atriði:
• Sala nam 249,3 milljónum evra og dróst saman um 3,4% á fjórðungnum sem lauk
um áramótin
• Á samanburðargrundvelli (proforma) var samdráttur í sölu 1,9%. Sala á laxi
og öðrum fiski dróst saman um 0,2%, sala á foie gras og andaafurðum dróst saman
um 3,2%, sala á blini og smurréttum dróst saman um 4,7% og sala á rækjum og
skelfiski dróst saman um 3%
• Sala á reyktum laxi undir vörumerkjum fyrirtækisins var svipuð og í fyrra sem
var metár
• Sala á foie gras undir vörumerki Labeyrie dróst lítillega saman frá fyrra ári
eða um 2,7%
• Verð var hækkað á þeim matvælum sem seld eru undir vörumerkjum fyrirtækisins
og einnig á öllum tegundum af rækjum til að mæta hækkun á hráefnisverði
• Sala á ferskum laxi hélt áfram að vaxa í Bretlandi og jókst um fjórðung frá
því í fyrra.
• Veikara sterlingspund lækkar tekjur frá Bretlandi á fjórðungnum um 8,1
milljónir evra
• Áfram er búist við erfiðu efnahagsumhverfi
Xavier Govare, forstjóri Alfesca:
"Eins og búist var við hafði samdráttur í efnahagslífinu þau áhrif að neysla
dróst saman og afleiðingarnar má sjá í sölutölum Alfesca á öðrum ársfjórðungi
sem eru 3,4% lægri en á sama tíma í fyrra. En ef litið er framhjá áhrifum
veikingar breska pundsins og annarra óreglulegra liða hefur salan dregist saman
um 1,9% á samanburðargrundvelli.
Þessi niðurstaða kemur í kjölfar dræmrar sölu í október og nóvember. Salan
fyrir jólin í desember var hins vegar góð sem bendir til þess að neytendur hafi
haldið í við sig þar til dró að hátíðunum.
Við eigum von á að erfiðleikar í efnahagslífinu haldi áfram og hafi því einnig
áhrif á rekstrarniðurstöður þriðja og fjórða ársfjórðungs."
