Niðurstöður yfirtökutilboðs BBR ehf. til hlutahafa í Exista hf.

Þann 11. apríl 2009 gerði BBR ehf. hluthöfum í Exista hf. tilboð í hluti þeirra
í félaginu og rann tilboðið út 8. maí 2009 kl. 16:00. Yfirtökutilboðið var gert
í samræmi við X. og XI. kafla laga nr. 108/2007 um verðbréfaviðskipti, þar sem
kveðið er á um að hluthafar með a.m.k. 40% hlutafjár í félagi beri að gera
öðrum hluthöfum tilboð um að kaupa hluti þeirra í félaginu. BBR ehf. eignaðist
yfir 40% í Exista í kjölfar hlutafjárhækkunar í desember 2008. 

Alls tóku tilboðinu hluthafar sem áttu samtals 7.370.176.028 hluti í Exista hf.
eða sem nemur 11,5% hlutafjár í félaginu. 

Eignarhlutur BBR ehf. nam 77,9% fyrir tilboðið en nemur nú að tilboðstíma
liðnum 89,4% af heildarhlutafé Exista hf. 

Hluthafar sem tóku tilboðinu fá greitt með reiðufé og fer greiðslan fram eigi
síðar en þann 15. maí 2009 í samræmi við skilmála tilboðsins.