Hagnaður af starfsemi RARIK var 803 milljónir króna á fyrri helmingi ársins.
Rekstrarhagnaður af starfsemi RARIK fyrir fjármagnsliði (EBIT) á fyrri hluta ársins 2021 var 1.107 milljónir króna en var 1.039 milljónir króna á fyrri helmingi ársins 2020. Rekstrartekjur og rekstrargjöld með afskriftum breyttust óverulega á milli ára sem er í samræmi við áætlanir.
Fjármagnsliðir voru neikvæðir um 687 milljónir króna á tímabilinu, samanborið við að þeir voru neikvæðir um 1.014 milljónir króna á fyrri hluta ársins 2020. Breyting skýrist að stærstum hluta af styrkingu krónunnar.
Áhrif hlutdeildarfélagsins Landsnets hf. voru jákvæð um 467 milljónir króna, samanborið við 404 milljónir króna á fyrri hluta síðasta árs.
Samkvæmt rekstrarreikningi var hagnaður tímabilsins 803 milljónir króna samanborið við 424 milljónir króna á fyrri helmingi ársins 2020.
Rekstrarhagnaður fyrir afskriftir, fjármagnsliði og skatta (EBITDA) var 2.453 milljónir króna eða 30% af veltu tímabilsins, samanborið við 28% af veltu á sama tímabili árið áður. Hreint veltufé frá rekstri, fyrir vexti og skatta, var 2.381 milljón króna samanborið við 2.195 milljónir króna á sama tímabili árið 2020.
Eignir RARIK samkvæmt efnahagsreikningi 30. júní 2021 voru 77.919 milljónir króna en skuldir 28.043 milljónir króna. Eigið fé var því 49.876 milljónir króna og eiginfjárhlutfall 64% en hlutfallið var 63% í ársbyrjun.
Fjárfestingar á árinu 2021 eru áætlaðar um 6 milljarðar króna en fjárfestingar fyrstu sex mánuði ársins námu 1,5 milljarði kr.
Horfur í rekstri RARIK á árinu 2021 eru ágætar. Áhrif Kórónaveirunnar á rekstur RARIK hafa ekki verið veruleg og tekist hefur að halda rekstri og fjárfestingum að mestu skv. áætlunum. Allar aðgerðir miðast við að tryggja áfram öryggi í rekstri eins og mögulegt er, en ef áframhald verður á faraldrinum og áhrifin á efnahagslífið í landinu verða meiri, má búast við að það geti haft áhrif á rekstur RARIK.
Gert er ráð fyrir að afkoma fyrir fjármagnsliði á seinni hluta ársins verði jákvæð í samræmi við áætlanir.
Árshlutareikningur RARIK ohf. er gerður samkvæmt alþjóðlegum reikningsskilastöðlum.
Helstu stærðir samstæðureiknings eru sýndar á meðfylgjandi mynd.
Helstu stærðir samstæðureiknings RARIK, fjárhæðir eru í milljónum króna.
Jan-jún | Jan-jún | Jan-jún | Jan-jún | Jan-jún | Jan-jún | |||||||
2021 | 2020 | 2019 | 2018 | 2017 | 2016 | |||||||
Rekstartekjur | 8.207 | 8.170 | 8.365 | 8.354 | 7.182 | 7.399 | ||||||
Rekstrargjöld | 7.100 | 7.131 | 6.749 | 6.643 | 6.115 | 5.757 | ||||||
Rekstrarhagnaður | 1.107 | 1.039 | 1.616 | 1.711 | 1.067 | 1.642 | ||||||
Hrein fjármagnsgjöld | -687 | -1.014 | -735 | -447 | -252 | -446 | ||||||
Áhrif hlutdeildarfélags | 467 | 404 | 538 | 373 | 257 | -75 | ||||||
Hagnaður fyrir skatta | 887 | 429 | 1.419 | 1.637 | 1.072 | 1.121 | ||||||
Tekjuskattur | -84 | -5 | -176 | -253 | -163 | -239 | ||||||
Hagnaður | 803 | 424 | 1.243 | 1.384 | 909 | 882 | ||||||
Eignir samtals | 77.919 | 69.450 | 67.530 | 63.939 | 57.010 | 60.946 | ||||||
Eigið fé | 49.876 | 45.894 | 42.732 | 38.961 | 36.077 | 35.661 | ||||||
Skuldir | 28.043 | 23.556 | 24.798 | 24.978 | 20.933 | 25.285 | ||||||
Handbært fé frá rekstri | 1.020 | 1.423 | 1.790 | 1.559 | 1.627 | 1.744 | ||||||
Greidd vaxtagjöld | 369 | 346 | 366 | 301 | 317 | 315 | ||||||
EBITDA | 2.453 | 2.256 | 2.715 | 2.659 | 1.975 | 2.500 | ||||||
Vaxtaþekja | 6,65 | 6,52 | 7,42 | 8,83 | 6,23 | 7,94 | ||||||
Eiginfjárhlutfall | 64,0% | 66,1% | 63,3% | 60,9% | 63,3% | 58,5% | ||||||
EBITDA/Velta | 29,9% | 27,6% | 32,5% | 31,8% | 27,5% | 33,8% | ||||||
Árshlutareikningur RARIK fyrir tímabilið 1. janúar til 30. júní 2021 var samþykktur á fundi stjórnar þann 31. ágúst 2021.
Nánari upplýsingar veitir Tryggvi Þór Haraldsson, forstjóri RARIK í síma 528 9000.
Viðhengi
- Samandreginn árshlutareikningur RARIK samstæðunnar 30 júní 2021
- Fréttatilkynning um afkomu RARIK ohf fyrstu sex mánuði ársins 2021