Gróska ehf. heldur lokað útboð á grænum skuldabréfum félagsins, GROSKA 29 GB, miðvikudaginn 17. maí næstkomandi og lýkur útboðinu kl. 16:00 sama dag. Bréfin verða seld í 20 m.kr. nafnverðseiningum.
GROSKA 29 GB er grænn verðtryggður flokkur sem ber 1,2% fasta vexti og hefur lokagjalddaga þann 28. mars 2029 en endurgreiðsluferli höfuðstóls fylgir 30 ára greiðsluferli með jöfnum afborgunum fram til lokagjalddaga þegar eftirstöðvar höfuðstóls greiðast upp.
Áætlaður uppgjörsdagur er miðvikudagurinn 24. maí 2023 og verða bréfin í kjölfarið tekin til viðskipta á Aðalmarkaði Nasdaq Iceland.
Skuldabréfin eru tryggð samkvæmt almennu tryggingafyrirkomulagi félagsins.
Umgjörð Grósku um græna fjármögnun félagsins ásamt vottun CICERO má nálgast á vefsíðu Grósku á slóðinni https://groska.is/fjarfestar.
Arion banki hefur umsjón með útgáfu og sölu skuldabréfanna.
Nánari upplýsingar:
Vera Antonsdóttir, Framkvæmdastjóri Grósku ehf. - vera@groska.is - S: 866 1207
Gunnar Örn Erlingsson, Markaðsviðskipti Arion banka - gunnar.erlingsson@arionbanki.is - S: 858 3292
Kristján Óli Eiríksson, Markaðsviðskipti Arion banka - kristjan.eiriksson@arionbanki.is - S: 781 3179
Erlendur Magnús Hjartarson, Fyrirtækjaráðgjöf Arion banka - erlendur.hjartarson@arionbanki.is - S: 694 6676
